Hiermee die nuwe minimum loon vir werknemers in die Gasvryheidsektor wat inwerking tree op 01 Julie 2018 en geld tot en met 30 Junie 2019.

Die onderstaande tariewe sal weereens aangepas word met die inwerkingtreding van die Nasionale Minimum Loon Wetgewing.

Let wel: Werkgewers moet daarop let om te bevestig onder watter sektor hul besighede sorteer om voldoening te verseker. Kontak gerus die LWO vir 100% sekerheid.

Die totale verhoging vanaf die vorige jaar se minimum loon is 6%.

Voel asseblief vry om Kontak gerus die LWO Werkgewersorganisasie by 086 110 1828 met enige navrae in hierdie verband. Ons is 24/7 beskikbaar.

Wat ons tans weet:

• Inligting tans beskikbaar dui daarop dat wanneer die NMLW inwerking tree en geïmplementeer word, werkgewers verplig sal wees om die minimum loon te betaal. Hierdie bedrag is tans vasgestel op R20.00 per uur vir alle werknemers in Suid-Afrika. Dit is ongeag die bedryf of industrie waarin hul werksaam is. Die landbou/bosbou en huiswerkersektore het reeds vrystelling ontvang om onderskeidelik 90% en 75% van die nasionale minimum loon te betaal. Dit word bereken tot R18.00 per uur vir die landbou/bosbousektore en R15.00 per uur vir die huiswerkersektor. Werkgewers in die landbousektor moet verder kennis neem dat huiswerkers op ‘n plaas geag word as plaaswerkers en dus die korrekte loon moet ontvang. Hierdie vrystelling is geldig vir ‘n tydperk van twee jaar, waarna alle werkgewers ten minste die nasionale minimum loon soos afgekondig, moet betaal. Afhangende van besluite wat geneem word in die parlement, kan hierdie minimum loon en tydperk van twee jaar nog verander, maar is dit die jongste gepubliseerde inligting beskikbaar.

  Daar kan met regte gesê word dat die hele aangeleentheid rondom die NMLW tot groot onsekerheid in die werksomgewing gelei het en sal werkgewers duidelikheid verwelkom.

  Kontak ons gerus by 086 110 1826 met enige navrae in die verband.